Ilmiy-tadqiqot ishlari
Ilmiy-tadqiqot ishi — bu yangi ilmiy bilim va yutuqlarga erishish yoki mavjud bilimlarni chuqurlashtirish maqsadiga qaratilgan faoliyat bo‘lib, ma'lum bir sohada yuqori malakali mutaxassislarni tayyorlashning muhim qismi va zaruriy sharti hisoblanadi. Masalan, PhD yoki fan doktori darajasini olish uchun talabalar o‘z ilmiy-tadqiqot ishlarini mustaqil ravishda bajarishlari kerak. Ilmiy hamjamiyatning fikricha, axborot jamiyatida va bilimlarning doimiy yangilanishi sharoitida axborot oqimida tezda yo‘nalish olish, tahlil qilish, kerakli ma'lumotlarni ajratib olish, mustaqil tadqiqotlar o‘tkazish va ularning samaradorligini amaliyotda isbotlash qobiliyati juda muhim va foydali ko‘nikmalardir.
G-TEST MChJ laboratoriyasida ilmiy ishlar magistrlar va yosh olimlar tomonidan tajribali ilmiy rahbarlar, fan doktorlari va professorlar rahbarligida amalga oshiriladi. Ushbu ilmiy ishlar quyidagi aniq vazifalarni o'z ichiga oladi:
- Zamonaviy ilmiy tadqiqot usullari bilan tanishtirish va ularni amaliyotda qo‘llashni o‘rgatish
- Mustaqil ravishda ishni rejalashtirish va tashkil etishni o'rgatish
- Dolzarb ilmiy muammolarni ajratib olish va ularni hal qilish yo‘llarini topish
- Aniq maqsadlar qo‘yish, gipotezalarni shakllantirish va ularni amaliyotda isbotlash
- Tajriba-eksperimental tadqiqotlarni o'tkazish
- Tadqiqot natijalarini talablar asosida rasmiylashtirish
- Olingan natijalar to‘g‘riligini va ular ilm-fan uchun foydaliligini isbotlash, o‘z nuqtai nazarini himoya qilish uchun ilmiy munozaralarda, konferentsiyalarda, seminarlar va shu kabi tadbirlarda ishtirok etish
Hozirgi vaqtda laboratoriya xodimlarining 22% texnika fanlari bo‘yicha falsafa doktori (PhD) darajasiga ega. Shuningdek, ikki ilmiy loyiha bo'yicha ish olib borilmoqda
